الجمعة، 26 سبتمبر 2008

من سوالف البارونات

لاتضحكون علي واجد <<< اتفقنا ....

لا يخفى عليكم سوء العلاقة التي تجمعني بشي اسمه (مطبخ) ,,,
مطبخ بصل ثوم جزر قدر صحن قطعي سلقي <<< أنا هالمصطلحات ماتروق لي أبد .... وكون أني أنثى ولله الحمد على جميع النعم كان من اللازم ومن الواجب دخول المطبخ , فكنت بين فترة والثانية أدخل اخربط وأطلع مرة تصيب ومرة تخيب بس ماعليكم ترى صرت أضبط الكبسة ......... المهـــــم إني برمضان هذا جبت العيد ॥
وصديقتي المصونة الحبيبة لزمت علي أنزل هالموضوع الظاهر تبي تعنس فيني ..... المهم /// دخلت المطبخ بسوي (عــش النحل) عبـــارة عن كرات جبن وفوقها عسل وشكلها النهائي يطلع زي عش النحــــل... سويت العجينة وتخــمرت وسويت الكور وصفيتها بالصنية <<< إلى الآن الوضع ok .... دخلتها بالفرن طبعاً مااعرف اشغل الفرن <<< بتطلع كل فضايحها <<< هي خاربة خاربة ....... شغلوا لي الفرن ودخلتها واستوت بس باقي فوق تتحمر وعادة عشان تتحمر تحتاج مايزيد عن 10أو 15دقيقة أنا دخلتها قبل آذان المغرب بربع ساعة ,,

سمعت صوت الباب رحت أفتح فتحت ولد اخوي الصغير جاي يفطر عندنا فتحت الباب ورحت الصالة وطقيت سالفة وأذن وفطرنااا واحنا ع الفطور بنت عمتي تقول طلعتي صينيتك من الفرن !!!!!!! أنا نقزت من على السفرة وطررررت المطبخ فتحت الفرن لقيت صحيفة سوداااااااء بلا مبالغة كنها عباة ....

الطبخة ماطلعت (عش نحـل) صارت ( عـش عـــــــــبيييد ) طلعتها وأنا أرثي حالي ॥ :(

حطيتها على طاولة الطعام ورحت قلت لهم البقا براسكم مو احترقت تفحمت .. دخلت بنت اخوي المطبخ مسكينااا فتحت عيونها نص متر تخيلوا تقولي : هذي حقيقية ؟؟؟؟

وأخوي جا يقول في ريحه وشو اللي محترق وريته إياها شفتوا اللي يطق عليها ويقول: لا والله وتطلع صوت بعد ,, .. وعمتي جلست تخانق مو علي دلاختي على الجبن اللي ضيعته :( ...

ومن ذاك اليوم وأنا شبه مطلقه المطبخ أدخل أسوي العصير وأرتب السفرة وبالاجبار يخلوني ألف سمبوسه <<< بيتها عندهم هوس سمبوسه <<<< لاتقولون وين الخدامه أبشركم خدامتنا في منتصف هذا الشهر انحاااااااااشت عسى عقلها النحشه ....

( وسلامتكم // تحيات الشيف : بنت أحمد ,, ) ...

يللا كل وحده تدخل تقولي سالفة من سوالفها برمضان وحتى برق الظلام كيفك قلي سالفة موضروري طبخ لوووول<<< نشبة

هناك 30 تعليقًا:

بنت أحمد يقول...

أصحاب المدونات الحلوة//عندي استفسار : أنا لما كتبت الموضوع كان كل مقطع لوحده ولما نزلته طلع سايح على بعضه حاولت أعدله ماضبط .. اللي عندهم خلفيه ماهو الحل لو سمحتوا ؟؟

احساس انثى يقول...

اهلا فيكـ صديقتي ويسعد صباحكـ

اول شي بجاوب على سؤالكـ والله حتى انا كذا مره اكتبـ ويطلع تحت بعض الحل خلي فواصل بيناتهم شوفيها بمدونتي وتضبط معاكي ^_^


,,,,,

اما بالنسبه للطبخ وماادراكـ مالطبخ
والله قبل كم سنه كنتـ احب احاول وانجح واتفنن كمان..

بس الي اتذكر والصراحه موقف احرجني كنت مسويه حلا فيه بسكويت المفروض يكون متجمد ويوم قطعته ومبسوطه خلاص رح اقدمه للاسف لقيت البسكويت ولاكانه تعرض للطبخ انواع الاحراجات,,

من بعدها الوالده الله يخليها حلفت ماسوي شي فيه اشياء كثيره <<<

خلصت البسكويت عليهم ^_^

لكن للاسف هذي السنه والله ماقربت للمطبخ الا عشان اشرب مويه<<<<

الاعتراف بالحق فضيله والله انا اشوف انه الكتابه اصرف و احسن لنا ولا شرايكـ =)


حسيت نفسي طولت بالكلام..بس موضوعكـ اعجبني =)

::
تحياتي لكـ

ضـاد يقول...

ههههههه ضحكتيني والله

ﻻﻻ سمعي انا نفس حالتج بالضبط بس عندي قناعه ان انوثتي ناقصه والسبه ماعندي فنون مطبخيه.. ترى الطبخ بالنهايه هو تصميم وابداع p;
تجاربي تكاد حتى تعد عالاصابع بس هالرمضان كنت اسولف مع رفيجتي وهي بعد زي حلاتنا p; المهم علمتني طبق ح

غير معرف يقول...

أما موقف خيااااااااال


المهم سلامتك (L)

بس أنا و لله الحمد ماهرة بالطبخ

لولا طبخة وحد برمضان خليتها صيني بالملح لا غير :P

محبتك

ضـاد يقول...

** طبق حلو و غثيييييت اهلي فيه هيهيهيهيهي

بالنهايه لا يسعني الا قول: الله يسامحج على اللي سويتيه بالنحل :( صارو يتامى و مشردين من بعد العز اللي كانو فيه بـعشهم

لج يوم يا ظالمه :'(

لا تسأليني ليش تعليقي تنصّف p; لأن مادري


(:)

ضـاد يقول...
أزال المؤلف هذا التعليق.
بنت أحمد يقول...

يسلمووو "احساس انثى"

يشرفني ويسعدني مرورك ..
هههههه بالنسبة للحلا ماقصرتي بدعتي ..
من ناحية الكتابة احسن مرررررة أحسن مافي وجه مقارنه أصلاً مافيها لابصل ولاحمسة..

تعليقك حلو والمساحة هذي لكم خذي راحتك قلبووو

مشكوووورة على مرورك العطر

بنت أحمد يقول...

ضـــــــاد

طلعنا في الهوا سوا الحمدلله موبس أنا ,, هههههههههههههههه حلو نقص الانوثه ..رايك بالمطبخ رهيييييييب

يقولون اللي مايعرف يطبخ إذا كبر يصير طبخه خيااال <<< تعطي نفسها أمل بالحياة

ترى الحلا أسهل شي لأن كله أشياء فوق بعضها .. بس احساس انثى ماخلت شي سهل بدعت حتى في الحلا

يسلموووو عالمرور الحلو ياأحلى ضاد

احساس انثى يقول...

اهلا فيكـ مره ثانيه =)

بس تعليقك ضحكني لووووول..الحين صرنا ناقصين انوثه عشان طبخ<<<< شكلها بتعتزل الطبخ اكثر

بس صدقتي اصلا احنا بعدين رح نكون احسن احد يطبخ<<<< من جنبها بس لاتعطو انفسكمـ كثير امل عشان ماتنصدمين قوه..
لانه اشكالنا والله اعلم كتابهـ وشغل مستبقلا ان شالله <<< حلمها بنك فقط =)


يس مايمنع اتعلم كم طبخه عشان بعدين ماتتوهقين في بيتك ولا *_^


تقبلي مروري ثاني

بنت أحمد يقول...

لوووول احساس انثى حتى انا حلمي بنك بس قوانين الاخوان اللي عندي ترفض بنك :( ان شاء الله يقتنعون بعد عمر طويل

يارب يارب يارب تحققين حلمك صراحة البنك شي يااختي كشخة ورزة <<< شف تفكيرها بس

اتوقع في المستقبل لو قالي أبي عشاء بفتح له المدونة وبخليه يقرا لين يجيه النوم<<<< مسكين بتنومه جايع


خذي راحتك مرورك للمرة ال1000 أتقبله ويسعدني

احساس انثى يقول...

ان شالله تصير معجزه ويوافقون..لانه العمل بهالاماكن مره كويس وانا سبق اخذت كورس..


لووووووووووول بتفتحين له المدونه ضحكتني بقوه..اخاف يقولكـ بيت اهلك ينتظركـ =)


تحيااتيـ لكـ

honey يقول...

شفتي اللي قلتيه كله هم أرحم مني بالمطبخ ! انا و المطبخ ما نشوف بعض بس انا و طاولة الاكل حبايب


على سؤالج ضحكتيني كلناإنعفسنا اول شي

شوفي أكو سكل كنه فاصلتين ورا بعض هذا ضغطي مرة حتي إروح شطر جديد

إهوا علامة الترقيم يسارها علامة اللي تحط نقط و يسارها هذي الفالتين
غن شاء أكون جوابت سؤالج بفائدة

بنت أحمد يقول...

shahad

وهـ وهـ يعطيك العافية ياااااااارب ويفتح لك أبواب الجنة عالحل

ويسلمووووو ع المرور

والله يوفق بينك وبين المطبخ ونشوف علاقتكم حلوة زي روميو وجولييت :)

بنت أحمد يقول...

"احساس انثى" قلبوو آسفه إني ماشكرتك ع الحل اللي عطيتيني اياه بالنسبة للموضوع بس مافهمت عليك <<< الظاهر عشان كذا نست تشكرك<<< ماتستحي هالبنت

ماعلينا

بس من i so so sorry & thank yot v.much

ماقصرتي اختي مشكورة ع المرور وع المساعدة وعلى كل شي بحتاجك واجد <<< شكلها نشبه

دمتي بود احساس

احساس انثى يقول...

صباح الفل..


شدعوه اختي ماله داعي التأسف ^_^

احنا برسم الخدمهـ وبأي وقت حتى ايميلي بالمدونه تلاقينه لو احتجتي شي =)

::

دمتي بحبـ

Unknown يقول...

أنا أقول خلج على الكتابة احسن :)


ثاني شى انا دائما أفضل اكتب على الوورد ومن ثم انقله على المدونة افضل

بنت أحمد يقول...

mishari

أهلاً بمرورك العطر

هههههه أبد شورتك وهداية الله هذا النصايح وإلا فلا !!

حلوة فكرتك // يسلمو يااخوي

دمت بسعادة

الوقار يقول...

لووووووووووووووووول
انا عدوي اللدود ريحة المطبخ

بنت أحمد يقول...

كالشموس أشرقي

نورتي بمرورك العطر

هههههههههه والله وطلعنا كلنا بالهوا سوا

دمتي بود ودام تواصلك
لاتقاطعين

الفنان يقول...

مرحبا بنت احمد

انا اقول يا بنات لازم تتعلمون الطباخ
وتحسنون علاقتكم مع المطبخ
ولا شنو ناوين تقزرونها مع ازواجكم فاست فود
وجبات سريعه
مايصير

وماقول مثل ما قال مشاري الا وازد عليه
تعلمي فن الطبخ ولا تتركي قلمج الجميل
فان لديك احساس ادبي جميل وفن راقي في صياغه العبارة الجميلة

بنت أحمد يقول...

الفنان

تسلم لمرورك العذب

والله الحاله صعبه بصل يخلي الدموع تنزل وحمسه وفرم وتقطع أشياء موووشي

<< حظكم ماتطبخون :)

بس مافي مفر لابد من تحسين العلاقة تدريجياً بيني وبين المطبخ

وبتشوفون أنا واحساس وضاد بنصير خلفاء منال العالم <<< اتحداكم

يعطيك العافية على الثناء الجميل هذا من ذوقك

دمت بود

احساس انثى يقول...

مساء الخير..

"وكل عامـ وانتـِ بخير "
وعيدكـ مباركـ,,


بالعكس رح نعلم احنا منال العالم ولاشرايكـ ^_^

بنت أحمد يقول...

اهليييييين احساس

مرحبتين فيك

وانتي بخير وصحة وسلامة

<<< اقول لايسمعك أحد تبين تصير مجاعه في الوطن العربي بسببنا

تسلمين لمرورك العذب ,, ماننحرمشي منك :)

ضـاد يقول...

عيدج مبارك يالشيخه
وتقبل الله طاعتكم

:)

عــــــابره يقول...

ياااااااا سلام ..

راح تطقين سالفه والعش قاعد يحترق في الفرن
هذا في بيت الاهل معذوره اجل بيت الزوج شسوين ..

بس يطلع منك تصدقين الله يوفقج يارب
انتبهي مره ثانيه او حطي منبه اذا لزم الامر

:)

غير معرف يقول...

عيدك مبارك (:

الفنان يقول...

عيدج مبارك
وكل عام وانتي بخير
وعساج من عواده

تحياتي الفنان

غير معرف يقول...

هلا حبيبتي

مباااااااااااااارك عليج العيد


و تعودينه و انتِ بصحة و سلامة

لطيفه. يقول...

ههههههههههههههههههههه

الله يسعدك

بس لازم نذوق عش العبييييييد ههههههههههه


تيب بقلك سالفتي انا بع :(

وماساتي << لاتصيحين بس


انا بعد ماعرف اقلي بيضه

وبرمضان قالو لازم تسوين شي مو معقول احنا نسوي كل شي

قالت امي يلا اقلي السمبوسه

طبعا اكره الزيت اخاف منه

بديت باول حبة حطيتها بالزيت

<<< تحتط حبه حبه هع بياذن وماخلصت

الموهم الززيت بارد ماشخن بعد

طفشت مابعد حمرت ولاشي

قلت يلا خلني اتمشى شوي وارجع لها

رحت اتمشى بالبيت واسولف مع هذا واستهبل مع هذيك

شوي وامي طالعه وعيونها شرار :(

احسااسوة تعالي هنااا

وانصدمت من المنظر اول سبموسه بتارخ العالم العربي بهذا الشكل

سمبوسه عبيييييييييييد هع

لونها متفح حتى اللحم جوتها تفحم هع


وياليت وقفت على الهوشه

حطوها على السفرة بطبق لوحدهاااا

ويلا هذا يطنز وهذا يسب وتهزئ
وضحك

اخر شي قالو العقاب تاكلينهااا

عاد وصلت حدي هنا وصحت صددق وتركت الفطور

<<< غلطانه وتصيح بعد

هع


بس وتراء عدو الدوود هو المطبخ

^_^

بنت أحمد يقول...

ههههههههههههههههههههههههههه

سالفتك تضحك

الظاهر مؤونة العبيد على حسابنا

وماتنلامين يوم صحتي هم بالغوا في الموضوع
شنو اكليها لااااااااااااااااع ماتسوى سمبوسه

مااادري متى باحبك يالمطبخ :(

الله يعينا

شكراً لك ولمرورك ولسالفتك

دمتي بفرح