الثلاثاء، 10 فبراير 2009

خلطة فضفضة بالطريقة والمقادير

فيني بوسة غير - مؤدبة كالعادة << شقصدك يعني
هالبوسة أحسها بتطلع من قلب قلبي <<< لاتتهورين
ماابي أقولكم عن انتشار فيروس الكآبة والغلقة والزهق المنتشر
بس والله من جد قــــول يارب وصدقوني ماورا هالكلمة إلا كل خير
قبل يومين كنت متضايقة ,, شنو متضايقة إلا مفزعة الدنيا حالتي كانت موت صعبة بس الله ستر ماجاني شي
رسلت مسج لصاحبتي قلت لها أنا متضايقة وبنام ,, شوي ودقت علي تطمن
تصدقون في عشر دقايق أحس راح كل شي أحس مافيني شي
ياربي شقد نستانس لما يكون في أحد معنا
يمة يمة يمة كاني أحبها مرة صرت أموت فيها هالانسانة (البوسة لها)
من جد الكلمة الحلوة تعمل عمايل // والكلمة الشينة برضو تعمل عمايل
...
...
يوم ثاني جلست احوس بين ربعي المدونين وكنت اشوف الردود اللي منهم لي والعكس
أحيان الردود تخليك تعيش جو مو طبيعي كنك جالس بمجلس سوالف وحولك ناس <<< البنت فيها شي
ماعلينا ,, طبعاً أنا من حزب البنات وهـ كل البنات المدونات استانس عليهم وانتظر ردودهم وتعليقاتهم <<< كيفي !!
أما الشباب بعد والله ماعليهم زود بس في ثنين من جد ( ماابي اقول ) <<<< تعجز الكلمات
المهم في رد من كثر ماهو يجنن دمعت عيني وحمدت ربي إني زهقانه ومن الفراغ أقرا التعليقات
وهو رد في مدونة mr.caffen موضوع غسيل ماادري ليه أثر فيني الرد
يمكن من اعتزازي بأبــوي وإني ماأشوفه وشقد كنت أتمناه يشوفني وأنا بهالعمر .. .. صراحة ماادري :(
نص العبارة اللي كتبها أخوي (ودي ابوس راس أحمد اللي انجب لنا بنت ذوق ودمها عسل مثلك ..) <<< وهـ فديتني << يامغرورة
تدورون لما قرأتها دمعت عيني وحسيت أبي أضم أمي أو صديقتي :( طبعاً مالقيت إلا المخدة ضميتها
وتمنيت الدنيا تمشي بسرعة ونمـــــوت ونصير في الـــجنة يارب - وأشوف mr.caffen هناك وأشوف أبوي وأقوله يللا قوم بوس راسه
بعدين فكرت الحين في الجنة نتغطى عن بعض <<< دموعي تنزل ويوم سألت نفسي هالسؤال مت ضحك
بس من جد شلون !! !!
يالله شقد الدنيا قصيرة وصغيرة وحلوة لما الواحد يكون مع اللي يحبهم بس القدر أقوى منا
لاتزعلون // مااعتقد تسونها أصلاً ,, ترى كولكم تعليقاتكم حلوة وتسعدني دوم
يسلمو لكم كلكم من جد أحس هنا عالم ثاني أحس إني بعيدة عن جو الغلقة والكآبة اللي يعاني منها المجتمع
//
احساس أنثى والملاذ الأخير وأسيرة اللوحة واحساس طفلة ,, مرحبا أيها الممتحنات الحمدلله على السلامة وش سويتوا بشرونا بالنتايج ؟؟
سيمفونيات أنثى ,, ملكة الاحساس <<< ياربي هالبنات طولوا غيبتهم
فراشة مدونتي ,, متى يجي السبت ؟؟ وياااااااااارب ينجحك في كول المواد <<<< قولوا آمين <<< ان حملت مادة باستخف إذا كل هالأمة قالت آمين وتحمل مادة :( موشي <<< فيها عين <<< وبس كل شي عين
في بعد سالفة بس عشان مايصير البوست طويل بقولها لكم بعدين
//
ومن واجب الضيافة قلت أسوي لكم قهوة تتسلون وانتوا تقرون هنا
وهذه عبارة عن (قهوة فرنسية مرة خيالية)
المقادير:
ايس كريم فانيللا (سيحها على نار هادئة الى ان تسخن قبل الغليان ) سيح ما يكفي لنصف كوب - 2-3 ملعقتين صغار كوفي ميت - ملعقة نسكافيه - مكسرات (لوز+ كاجو+ فستق او اي مكسرات تحبها) قطعها قطع صغيرة - نصف كوب ماء مغلي .
الطريقة :
اضع ( كوفي ميت+ نسكافيه) في كوب ثم اضيف الايس كريم و اخلط جيدا اضيف الماء المغلي مع التقليب وفي النهاية اضيف المكسرات
اممممم أما طريقة الحلا الآيس كريم الموجود أعـــلاه اممممم <<< تراها متوهقه .. أقصد الطريقة سرية
تعالوا بيتنا وأسويه لكم
..
بالعافية عليكم

هناك 54 تعليقًا:

rainbow يقول...

بنت أحمد
الله يسعد مساؤك و صباحك
انا جيت الاول هنا.. من حسن حظى
أوكى علشان آخذ راحتى
أولاً و قبل كل شيى..الله يرحم والدك
ويجعل له الجنة آمين يارب العالمين
:
و ثانياً: أنا و الله أموت فى الحلا
وبا أقوم فى الليل أفتح الثلاجة و أدور على أى حلا ...
و أحب القهوة ..
و لمن شفت المدونة
أنا طار برج من راسى
ورحت خذت الصورةو حطيتها عندى فى البوم الحلا
شكلها يجنن...
بس لازم نعرف الطريقه و الخلطة السرية
:
عزيزتى : فعلاً الأصدقاء يفرجون الهم
وكلنا نرجع لاصدقائنا وقت الشدة و نستشيرهم و خصوصاً فى القرارات المصيرية و الأحداث الصعبة...
ونحن كلنا المدونين و المدونات أصدقاء لك
و مو شرط تكون المواضيع أدبية بحته او جادة..ممكن تكون دردشة و نكات
قرأت الملاذ الأخير اليوم ؟
روحى هناك أكيد ها تستانسى
:
بنت أحمد
أسعد الله أيامك و لياليك
/
,.-~*'¨¯¨'*·~RainBow.-~*'¨¯¨'*·~-

بنت أحمد يقول...

اهليييييييين قوس قزح

هلا بك يالأول

كل شوي سويت تحديث للمدونة أبي أشوف رد

وانبسطت كثير فيك

ونعم الاخو ياقوس قزح

اي شفت موضوع الملاذ الأخير فالتها البنت

يااخوي طريقة الحلا صعبة ويبي لها جلسة ان شاءالله في مواضيع جايه أنزله <<< نصابة محترفة

تحياتي لك :)

rainbow يقول...

أنا خايف إنك ورطى نفسك
ناس كثير راح يطلبوا منك الطريق
أنت أحست قولى :
مدة العرض 3 ساعات
من هنا الى الصبح يكون العرض أنتهى
بس لا تنسى تلرسليها لى الآن قبك ما مدة العرض تنتهى
فكرة رائعة ؟
...
يسعد مساؤك

,.-~*'¨¯¨'*·~RainBow.-~*'¨¯¨'*·~-

rainbow يقول...

بنت أحمد
ممكن تلغى موضوع
varification word ?
كتابة تأكيد الكلمة
لأنه بيآخذ وقت

,.-~*'¨¯¨'*·~RainBow.-~*'¨¯¨'*·~-

rainbow يقول...

تصحيح :
ناس كثير راح يطلبون منك الطريق

,.-~*'¨¯¨'*·~RainBow.-~*'¨¯¨'*·~-

بنت أحمد يقول...

قوس

خلاص برسلك الطريقة عـ الإيميل ok

قوس من اليوم ورايح لا تفتح الثلاجة افتح مدونتي كلها حلا وقهوة <<< بس بالصور <<< بتطير عقلك

يسلمووو لتواجدك ومرورك وكلماتك

ويسلمووو لي أنا لأني أكلتك <<< خير وعطيتك قهوة وحلا رهيبين

يعطينا العافية <<< ماتستحي أبد

امممم آسفة أقصد يعطيك العافية

:)

rainbow يقول...

ناس كثير راح يطلبون منك الطريقة

:
كتبتها 3 مرات و غلطت فيها
أنا بآخذ فى الإملاء صفر
رجاء أمسحيها

,.-~*'¨¯¨'*·~RainBow.-~*'¨¯¨'*·~-

rainbow يقول...

بنت أحمد
أنا ما كلت شي
أنا شفت بس
وليس من شاف كمن أكل
؟؟
يسلموا..يسلموا ...طعمها روعة
بس أكل أون لاين
أنا أحس إنى ما كلت شي فعلاً
"
و مع ذلك تسلم ها الأيادى

,.-~*'¨¯¨'*·~RainBow.-~*'¨¯¨'*·~-

بنت أحمد يقول...

محد مضيع الطريق ويطلبه إلا انت

<<< فاطسسسسسسسسة ضحك

مو ماسحته

أنا أبي أشوف آخر الطريق

عاجل :

تعلن مدرستنا عن أول نتائج الاختبارات
الطالب / قوس قزح
0/10 في مادة الإملاء
نجح بس بالدف والطق بعد

..

<<< احسك بتكفخني <<< يللا الموضوع وساعة صدر أبي أوسع صدري <<< أتوب آخر مرة

SHAHAD يقول...

الله يرحم ابووج ويكتب له الجناان ياارب ..

ومثل ما قلتي الكلمة الطيبة تفرح القلووب
وشي حلو تحسين فيه أحد يمج وحااس فييج
فعلا شعوور مرييح .. تحسين الدنيا فيها خيير : )

أما القهوة والحلااا حدج شهيتيني
ونظرا لأني ما اعرف اسوي راح أيي بيتكم وأشربها عندكم وآكل الحلاا عندكم بعد < تعزم نفسها غصب لوول

بنت أحمد يقول...

shahad

جمعنا الرحمن في جنات النعيم

حياك الله البيت بيتك بأي وقت ,, انتظرك :)

//

سعدت بتواجدك

أنفاس الرحيل يقول...

عزيزتي بنت احمد
كلماتك لطيفه ولكن تحمل طيف الحزن
رحم الله والدك واسكنه فسيح جناته
انتي الابن الصالح تستطيعين ايصال عطائك له وبرك لقبره فجتهدي واظنك كذلك

مقبوله القهوه والحلا
ونزورك فى الافراح دائما

دمت سعيده

7osen يقول...

صرحة بوست حلو وممتع

حسيت إنج على طبيعتج فيه

إن شاءالله ماتشوفين ضيقة يارب

والله يرحم والدج ويسكنه في جنات الخلد

:)

هـو111جيس يقول...

بنت أحمد

شكل الموضه هاليومين في المدونات الدعوه فله وسواليف واكتب ولا يوقفك لا سطر ولا نقطه ما شاء االله عليكم

ولكن اشوف القاسم المشترك بين البنات حلا وقهوه اذا ناوين ينبسطوون

يا حلو أحلامكم هخخخخ

شكلي بفلها في مدونتي بس بخلي الفله شبابيه أكثر وفيها رجوليه أكثر واكثر

يعني بجيب تتن وحشيش وكيرم وبلوت كوتشينه بالمصري وورقه بالسعودي
وخبصه باللهجه القديمه وجنجفه للجهه الشرقيه السعوديه والكويتيه

وبرجوووجه باللبنااني <<< نصبه قويه صح طيب واضح انها نصبه ولا اكمل وامشيها خخخخخخ

بس ما عليه شعب سعودي عادي نمون على خوالنا اللبناانين والمغاربه عادي

الله يسعدك ويوسع صدرك ويوفقك

ويغفر لجميع موتى المسلمين !

تحياتي

الفنان يقول...

امممممم يا بنت احمد ..

اول شي الله يرحم ابوج وكل امواتكم واحياكم برحمته

.....
وبعدين جنه اعجبتج طريقة القهوى

يلا عليج بالعافية

حقوق القهوى مو محفوظة :)

تدرين شلون عندي طرق ثانية حق القهوى

اذا تبينها بس قولي لي اوصلج ايها

...

خوش بوست ساعات استانس لي قريت البوست الي طالع من القلب احسه يعبر عن شخصية صاحبه اكثر مو مثل المقالات .. الي الكلام فيها مرصص ومضبط



يلمت يداج ودزيلنا عنوان بيتكم خل نجي نتقهوى .. :)

بنت أحمد يقول...

أنفاس الرحيل

يسلمووو لمرورك الرائع

جزاك الرحمن جنان النعيم على هذا المرور الطاهر

شكؤاً لسموك :)

بنت أحمد يقول...

7osen

هلا والله فيك

سعدت لمرورك العذب

شكراً لسموك :)

بنت أحمد يقول...

هواجيس

هلا والله بطلتك

شفت عاد الربع كلهم فايلنها ماادري وش صار

هههههههههه أنا بحول المدونة ديوانية بنات شرايك !!

مشكور عالطلة الحلوة

ألف شكر

عيش حياتك ووسع صدرك

:)

صح يسلمون عليك طلاب المنازل <<< مازالت تدوينتك في بالي :)

//

تحياتي

بنت أحمد يقول...

الفنان

والله آسفة آسفة آسفة أبد مو قصدي ولا جا على بالي

نسيت أن القهوة اللي نزلتها نفس قهوتك

على طول فتحت ملف القهوات ولطشتها

كويس انك نبهتني وعلى طول غيرتها

ابشر حقوقك أكيد محفوظة ولاشفت شي لاتسكتت

آسفة يالفنان ,,

//

سعدت بتواجدك وربي ماكان ودي يكون اللي صار

يللا عاد ابتسم لاتسويها سالفة مايسوى علينا قهوة

...

بالنسبة لبيتنا

لما تطلع من بيتكم تاخذ الطريق سيدا إلا نهاية الشارع ثم أول يمين بعدين برضو يمين بعدين يسار بعدين سيداااا إلا نهاية الشارع قبل آخر بيت على يدك اليمين المواجة لآخر بيت على يدك اليسار هو بيت زاوية لونه أبيض وله باب للدخول وفيه نوافذ <<<< احلفي ...

وقهوتك والحلا جاهزين

أصلا انت بالذات ذبيحة على طول

ولاتنسى جيب المدام معك :)

//

تحياتي لك

الفنان يقول...

لالالالا جذي نزعل


اشدعوى كلها قهوى
لا تغيري شي

انا قلت حقوق القهوى مو محفوطة يعني مفتوحه اوبن قهوى

وانت يتستاهلين اكثر من القهوى

رجيعها في بوستج

كلها قهوى حصل خير
اصلا يسعدني ان حنا ناخذ من بعض

ما لاحظتي بعض المدونات كتبو عن طرق قهوى عندهم

هذا من باب تبادل الخبرات

عادي جدا

حصل خير

بنت أحمد يقول...

الفنان

هلا والله فيك

كني قريت كلمة زعل

والله ماادري ياخوي بس خفت تزعل وتحط بخاطرك وانا مااقدر فيك

عاد الحين مالي خلق ارجع قهوة المارس

بس بسوي إعلان

(((( ياجماعة اللي يبي يتقهوى قهوة المارس تراها جاهزة في مدونة أدبيات وفنون )))) <<< دعاية

//

سيتم بينا تبادل خبرات في مواضيع ثانية

:)

أتمنى لك مساء رايق وقهوة رايقة وحلا رايق :)

//

شفيك تأخرت معقولة للحين مالقيت بيتنا

غير معرف يقول...

هههههههه

صراحه خلطه ما بعدها غلاي ,,

بنت أحمد ,,
الله يسعدك يارب و بالفعل هالايام الحزن مدري وش سالفته مزودها
رغم انه بالغالب ملازمني للاسف
:(

الله يرحم والدك و يسكنه فسيح جناته ,,
و يكفي ذكرك الطيب له ,,


77
احساس أنثى والملاذ الأخير ,, مرحبا أيها الممتحنات الحمدلله على السلامة وش سويتوا بشرونا بالنتايج ؟؟
88
و انا بعد اختبر معهم ^^
ترا كرسيي جنب كرسي الملاذ الاخير = احساس
يلا نبي دعوات ننتظر النتيجه ,,



تسلمين ع القهوة ,,
ذوق من اهل الذوق ,,

دمتي لنا بسعاده و الله لا يوريك يوم حزن ,,
:)

كبرياء وردة يقول...

بوست خفيف لطيف

اي والله المدونات عالم ثانية

مساحة للتنفيس والتعبير عن الذات

غير معرف يقول...

يا بنية والله موتيني ضحك D= الحينه انا ما طلعت هبلة وحدي فيه حد معايX)

1- ايوووة عشر دقايق ممكن تكسر ضيقة 10 سنوات! الإحساس ان الواحد فيه حد معاه، يسأل عنه،، يكلمة متى ما يريد حتى لو ما عنده سالفة.. يخلي الواحد يتحسن في كل شي!! الله يديم المحبة!! ---> وهذي بووسة بعد!!

2- خخخ وانتي صادقة بعض الأحيان خخ احس الردود في بالمدونة عندي مجلس حريم D: اجيب كوب شاي وحلاوة ويالله اقري شو يقولوا البنات!! الحياة حلووة في التدوين!! الله لا يقطعها عنا!

وبالتوفيق!

لطيفه. يقول...

بنت أحمد

الله يسعددددددك يارب

ويسكن والدك فسيح جناته امين يارب

.*.

77
احساس أنثى والملاذ الأخير ,, مرحبا أيها الممتحنات الحمدلله على السلامة وش سويتوا بشرونا بالنتايج ؟؟
88
و انا بعد اختبر معهم ^^
ترا كرسيي جنب كرسي الملاذ الاخير = احساس
يلا نبي دعوات ننتظر النتيجه ,,


هههههههههه الله يسلمك
سوينا والفنا كتب جديد :D

واحلى شي كرسيي جنب اسيرة ^_^

وشكرا ع القهوة :)

يسعدك ربي بنوته

الفنان يقول...

تسليمن يا بنت احمد

وبيتكم بعيد ... ما قدرت اوصل له

وترى خووش قهوى الي حطيتيها


بس حسيتها صعبة .. بس حلوه لان المقادير قوية

وراح نجرب ونشوف

احساس انثى يقول...

هلاااااوغلااا ^^

يسعد لي مسائكـ ياربـ بالسعادهـ..

اولااً:

اللهـ يرحمـ والدكـ ويغفر لهـ ياربـ

ثانياً:
بوست رائع جدااااً ياسكرهـ انتي ^^

واشكركـ على سؤالكـ عني بس تصدقين

لسى بقالي مادتين الاسبوع الجاي

ادري طولت بس بكل اسبوع ماده او

مادتين بس انشاللهـ قريباا نخلص

وننجح يااارب ^^

بالنسبهـ للقهوه او شي اسمهـ كاافي

بحياتي ماكد شربتها ولااحبها ابداا

ادري بتقولين في نفسك مجنونه هذي :)

لكن صدقيني ماتحمل ريحتها نهائيا

وصديقاتي يحاولون فيني لكن راسي

يابس مااقدرو علي نهائياً ^^

واذا شفتها مثل الصور الي انتي

حاطتها ولا بمدونه اخوي الفناان احس

شكلها واااو جنان بس ماافيني

صراحهـ اجرب فيه شي يمنعني

اتمنى تلاقين لي حل ;D

\\
اعيد واكرر كلامكـ داايمـ زي العسل

على قلبي واحب ادخل مدونتكـ واشتااق

لها بشكل مو طبيعي ^^

//

تحياتي لكـ يالغلااا(F)

غير معرف يقول...

السلام عليكم ورحمة الله وبركاتة
how are you ,Allh'a emanet ol

بنت أحمد يقول...

أسيرة اللوحة

يسلمو عالمرور العسل

اي والله يااختي درجة الكآبة زايدة عشان كذا عالم التدوين هاليومين فالها بشكل مو طبيعي

على قولت هواجيس صايرين سوالف وقهوة وحلا


حطيت اسمك من ضمن الطلاب

شكلي بفتح لكم فصل دراسي

ربي يوفقكم وينجحكم يارب

يلللا نبي نسوي لكم حفلة

//

ميرسي كثير لتواجدك :)

بنت أحمد يقول...

كبرياء وردة

هلا والله فيك

وانتي بعد مرورك خفيف ولطيف ويسعدني دوم

ميرسي لتواجدك

زورونا كل سنة مرة :)<<< رايقة البنت

بنت أحمد يقول...

فريال

هلا والله فيك

دوم الضحك يارب

وصح لسانك على كلامك :)

الله يدوم تواصلنا ويجمعنا بجنات النعيم

يسلمووووووو ومايسمنووووووو

بنت أحمد يقول...

احساس طفلة

ههههههههههههه هلا والله فيك

يقطع ابليسكم طلعتوا شلة من وراي

لا أنا فاتحة لكم فصل فاتحه

ربي يوفقكم وينجحكم ويعرسكم مرة وحدة

ياحليلكم والله طلعتوا ربع

يسلمووووووو لتواجدك الحلووووو

ماننحرمشي منك

:)

بنت أحمد يقول...

الفنان

هلا والله فيك

منور الموضوع بتكرار تواجدك فيه

والقهوة عط المدام المقادير وهي تسوي لك <<< اجل ليه احنا خاطبين لك << يبي لي كف

ربي يدوم السعادة بحياتك ويوفقك ويرضي ربك ثم والدينك عنك

:)

تحياتي

بنت أحمد يقول...

ومسآآك يارب

أولاً: جزاك الله خير

ثانياً: ربي يعينك ويوفقك وينجحك يارب ,, اشتقنا كثير لتدويناتك

هههههههههههههههههه أما بالنسبة للقهوة حالتك صعبة مو ضروري تشربين العربية بس أحس الأشياء الثانية ريحتها تخلي الواحد بعالم ثاني أكيد عندك مشكلة في الجيوب الخشمية يمكن انها تحول ريحة القهوة لشي ثاني <<< عسي عمرك

هههههههههههههههههه

وانتي والله تواجدك مثل العسل ودايم انتظر ردودك لي واشتاق لقرائة كتاباتك :)

الله لايحرمنا منك ويدوم تواصلنا

//

دعواتي وأمنياتي الصادقة لسموك

دمتي كمتألقة وبرّاقة

..

أعذب التحايا

بنت أحمد يقول...

hayatcemresi

i'm fine,, and you ??

thank you v.much

best wishes

الزين يقول...

هايات يا بنت احمد

دمك خفيف مرة

صحيح اول زيارة لي لمضاربكم العامرة بالكوفي

بس اكيد مارح تكون الأخيرة يا بعدهم

عجبتني السوالف الرايقه

وعجبني احساسك بالأمور

:*

سلامز

Safeed يقول...

كثيرا لا نشعر بالكلمة التي تخرج منا، لأننا نخرجها بدون معاناة و الكلام ما عليه جمرك كما يقول العراقيون .
و لكن نشعر بقيمة الكلمة التي نسمعها لأننا حين نتكلم نكون مشغولين بالتفكير في نظم عباراتنا و لكن حين نستمع نكون قد تهيئنا لاستقبال ما نظمه و فكر به غيرنا و قدم لنا خلاصته فيها .
الكلمة سلاح ، قد تكون في أحيان مجرد حروف متلاصقة و لكنها في أحيان أخرى قد تختزل الدنيا بما فيها بها ، لأنها تمس اوتارا مجهولة داخل نفوسنا .
.
.
في الحكم عن الإمام علي عليه السلام : الصديق نسيبُ الروح ، و الأخُ نسيب الجسم .
أحيانا تكون مكانة الصديق أكبر من مكانة الأخ الشقيق لأنه و إن جمعنا به النسب الواحد إلا أن ما يجمعنا مع الصديق هو تقارب الأرواح ، و رابطة الروح في الإنسان أقوى من أي رابطة أخرى .
.
.
إنما الدنيا كظل زائل
أو كضيفٍ بات ليلاً فارتحل


أو كطيفٍ قد يراه نائم
أو كبرق لاح في أفق الأمل

@alhaidar يقول...

الله لا يجيب لك الضيقة والزعل ..

وشكرا على القهوة :)

فراشة المرج يقول...

بنت احمد

بوستج هذا صراحة
ودا بضيقة فيني

كنت ملانه وطفشانه
وبنفجر ابي حد يرمسني

يوم قريت بوستج حسيت جني ارمس حد
<< شقد هالبنت تحب الرمسة والسوالف الله يرحم ايام قبل

نرجع للبوست

صدقتي يوم تكونين مظايقة وبس تطرشين مسج لاعز الناس على قلبج تحسين شوي من الهم اللي فيج خاز ومن يطرش مسج يطمن عليج لو مايتصل اتحسين انج كول ولاجنه شي مستوي

وتسلمين على الضيافة الغلا

بنت أحمد يقول...

احساس أنثى

عذريني في الرد على تعليقك نسيت أدون اسمك

8888

الرد اللي يخلو من اسم أعلاهـ لكـ :)

...

بنت أحمد يقول...

الزين

هلا فيك

أشوف اسمك دايم بمدونات الأصدقاء

سعيدة بتواجدك هنا

//

دمت بود

بنت أحمد يقول...

سفيد

مرحبا بك

دوماً تثري مدوناتنا بردودك العذبة

شكراً لك ماكتبت يداك

أرق التحايا

:)

بنت أحمد يقول...

أحمد الحيدر

شكراً لتواجدك وتواصلك المستمر

حياك الرحمن

دمت بكل خير

:)

بنت أحمد يقول...

فراشة المرج

هلا والله فيك

سلامتك من الزعل والضيق

الله لا يحرمنا من أحبابنا

وعسى دوم البسمة ماتفارق حياتك وأشوفك دوم هنا

//

دمت بود ودام تواصلك الراقي

سعدت جداً بتواجدك

لحظآت آلآمــ/ــل يقول...

خخخخ ماشاء الله عليك كلآمك طالع من قلب ..



صادقهـ والله لما تشعرين أن فيه أحد

بالدنيا معاك ...رغم بعد مسافاته ..


والله يرحم والدك ويغفر له ..


الله يسعدك مثل ما أسعدتيني

وفرحتيني .. :)


دمتي بود ..

الغدوف يقول...

مسائك أبها
كثيرا ما أصادف في طريقي في عالم التدوين هذا الإسم " بنت أحمد " فتذهلني التعليقات التي يسكبها قلم هذه الرائعة وأدركت حينها ان من يقف خلف هذه الردود الراقيه شخصيه مختلفة تمتلك قدرة جديرة بأن أسير خلف بوح حروفها وأستمتع بسكبها
و أحببت ان أطلع على كل كلماتها فكنت مندهشه من هذه الحروف البراقه
سلمت ودمت مبدعة وسأبقى هنا

ضـاد يقول...

:*

Nouf يقول...

يسعد مساك

وشكرا حبيبتي

عالقهوه :)

دمتي بحب ..

غير معرف يقول...

تدري إني زعلانة كثير
ومو عشان مالحقت على الحلا
إلا عشان جيتكـ متأخر :(
...
..
.
الدنيا لازالت لذيذة
كقطعة حلوى تذوب بيأس بين شفتي أنثى مهمومة
نفارق وتطول المسافات
ويكون هنالك أشخاص
كجسور وصل
يحملون عنا مشقة الطريق
ويجمعوننا بالأمل المفقود
كوني مبتسمة
متوردة الخدين
كزهرة كارنيشن تسر الناظرين
"أحبكـ"
...
..
وأنا كم "بنت أحمد" عندي الله يخليها لي
هذا إيميلي عندكـ حتى لو إنشغلت وطولت عن مدونتكـ أرسليلي أكيد بشيك على إيميلي بإستمرار

بنت أحمد يقول...

لحظات الأمل

هلا والله فيك

سعدت بتواجدك :)

حفظك الله

//

بنت أحمد يقول...

الغدوف وعندي أمل

شكراً لك على هذه الكلمات الجميلة

سعدت بزيارتك وتواجدك

دمتي بود ودام توصلك

//

أرق التحايا

بنت أحمد يقول...

ضاد

:*<<< وش يعني !!!

بنت أحمد يقول...

نوف

هلا والله فيك

مشكورة لمرورك وتواجدك العطر

سعدت بذلك

:)

بنت أحمد يقول...

سيمفونيات أنثى

هلا فيك بعد غياب طويل

اشتقنا لك كثير

يسلمو لكلماتك الحلوة (( أخجلتني :$

ماعليك زود والله

يحفظك ربي ويسعدك دوم

//

سعدت جداً جداً بتواجدك

سنكون على اتصال بإذن الله

حفظك الله :)